मोलुङका पहिरो पीडित ४५ परिवारलाई राहत वितरण

ओखलढुंगा (रेडियो ओखलढुंगा) ओखलढुंगाको मोलुङ गाउँपालिका–७ का पहिरो पीडित ४५ घर परिवारलाई नेपाल लाइफ इन्स्योरेन्स कम्पनी लिमिटेडले राहत प्रदान गरेको छ । कम्पनीको शाखा कार्यालय ओखलढुंगाले संस्थागत सामाजिक उत्तरदायित्व कार्यक्रम अन्र्तगत गौरीडाँडा, जेसे र पात्लेका ४५ घर पहिरो पीडितलाई राहत प्रदान गरिएको हो । कम्पनीले १ लाख ५६ हजार बराबरको चामल, दाल, नुन, तेल र साबुन लगायतको खाद्यान्न सामाग्री प्रदान गरिएको शाखाका म्यानेजर छवि मग्रारातीले जानकारी दिनुभयो । राहत वितरण कार्यक्रममा मोलुङ गाउँपलिका संस्थापक अध्यक्ष मणिराज राई, वडा नम्बर ७ का वडाअध्यक्ष हेम बहादुर सुनुवार, कार्यपलिका सदस्य दिल कुमारी विक, युवा नेता गोपाल नेपाल , एजेन्सी मेनेजर खड्ग सुनुवार, युवा नेता भुमरी लामा लगायतको उपस्थिति रहेको थियो ।