मोलुङमा सुमो दुर्घटना हुँदा दुई जना घाईते

ओखढुंगा (रेडियो ओखलढुंगा )काठमाण्डौबाट रामपुर तर्फ आउदै गरेको सुमो दुर्घटना हुँदा दुई जना घाईते भएका छन् । जिल्लाको मोलुङ गाउँपालिका –२ थापाचौर स्थित ओखलढुंगा रामपुर भित्रि सडकखण्डमा सुमो अनियन्त्रित भई सडकको भित्तामा ठोकि दुर्घटना हुँदा दुई जना घाईते भएका हुन् । ९ जना यात्रु सवार रहेको ना १ ज ६४४६ नं.को सुमो आज ४ः४० बजेको समयमा दुर्घटना हुँदा मोलुङ –२ को ३८ की दुर्गा कार्की र ७९ वर्षकी यशोदा दाहाल घाईते भएका छन् । अहिले सामुदायिक मिसन अस्पताल ओखलढुंगामा घाईतेहरुकोे उपचार भईरहेको जिल्ला प्रहरी कार्यालय ओखलढुंगाका प्रहरी निरीक्षक विजय कार्कीले जानकारी दिनुभयो । सुमो र चालक ईलाका प्रहरी कार्यालय बरुणेश्वरको नियन्त्रणमा रहेको प्रहरीले जनाएको छ ।