‘द हङकङ सिक्सेस’को दोस्रो खेलमा अष्ट्रेलियामाथि नेपालको शानदार जित

ओखलढुंगा (रेडियो ओखलढुंगा) नेपालले ‘द हङकङ सिक्सेस’ को दोस्रो खेलमा अष्ट्रेलियालाई ११ रनले पराजित गरेको छ ।
नेपालले दिएको ११२ रनको लक्ष्य पछ्याएको अष्ट्रेलियाले ५ विकेट गुमाएर १ सय रन मात्र बनायो । अष्ट्रेलियाका ज्याक उडले १२ बल ५० रन बनाए। नेपालका लागि प्रतिश जिशीले ३ तथा लोकेश बम र विवेक यादवले एक एक विकेट लिए ।
त्यसअघि नेपालले अस्ट्रेलियालाई ११२ रनको लक्ष्य दिएको थियो । नेपालका लागि सन्दीप जोराले अर्धशतक प्रहार गरे । १६ बल खेलेका उनले ५१ रन बनाएर खेलको नियम अनुसार रिटायर्ड हर्ट भए ।
यस्तै खेलमा लोकेश बमले १३ बलमा ३३ रन बनाए । अस्ट्रेलियका ज्याक हुडले २ विकेट लिए । पहिलो खेलमा नेपालले इ्रग्ल्याण्डलाई ६ विकेटले पराजित गर्दै दोस्रो चरण प्रवेश गरेको थियो ।
हङकङ सिक्सेसमा नेपाल एक खेलअघि नै क्वार्टरफाइनल प्रवेश गरिसकेको थियो । यो जितसँगै नेपाल समूह विजेता बनेको छ ।