ओखलढुंगा (रेडियो ओखलढुंगा) खिजिदेम्बा गाउँपालिकामा वृद्धाको हत्या गरेको आरोपमा एक किशोर पक्राउ परेका छन् । ओखलढुंगा जिल्लाको खिजिदेम्बा गाउँपालिका – ६ का ८२ बर्ष कि ठगमायाँ सुनुवारको हत्या गरेको आरोपमा सोहि ठाउँका १३ वर्षिय किशोर पक्राउ परेका हुन् । गत ५ गते मृतक वृद्धाको नाती नाता पर्ने किशोरले आगो फुक्न प्रयोग हुने फलामको ढुंग्रीले टाउकोमा प्रहार गरेको र घटनापछि सोही अबस्थामा छाडि हिडेकोमा वृद्धाको मृत्यु भएको जिल्ला प्रहरी कार्यालय ओखलढुंगाका प्रहरी निरिक्षक विजय कार्कीले जानकारी दिनुभयो ।
मृतक वृद्धाले मादक पदार्थ सेवन गरि किशोरलाई अपशब्द र गाली गलौज गर्ने गर्थिन र सोहि दिन बेलुका पनि किशोर कामको लागि वृद्धाको घरको बाटो जादैगर्दा बोलाई बिभिन्न अपशब्द प्रयोग गर्दै लाठीे समेतले पिटेको आरोपित किशोरले बताएका छन् । सधै बिनाकारण अपशब्द÷ गालीगलौज गर्ने र पिट्ने समेत गरेको हुदा उक्त कार्य सहन नसकेकाले आगो फुक्न प्रयोग हुने फलामको ढुंग्रीले टाउकोमा प्रहार गरेको र घटनापछी सोही अबस्थामा छाडि हिडेको किशोरले स्विकार गरेका छन् ।
आरोपीत किशोरलाई कर्तव्य ज्यान सम्बन्धी मुद्धा÷ कसुरमा सम्मानीत अदालतबाट म्याद थप गरि अनुसन्धान भईरहेको रहेको जिल्ला प्रहरी कार्यलय ओखलढुंगाले जनाएको छ ।
१० मंसिर २०८१, सोमबार
118
Shares