ओखलढुंगा (रेडियो ओखलढुंगा) मोलुङ गाउँपालिकाले आयोजना गरेको अन्तर माध्यमिक विद्यालय स्तरीय चौथो राष्ट्रपति रनिङशिल्ड खेलकुद प्रतियोगिताको उपाधि बरुणेश्वर माध्यमिक विद्यालय रामपुरले जितेको छ । बिहिबार रामपुरमा सम्पन्न भएको प्रतियोगितामा बरुणेश्वर माध्यमिक विद्यालय रामपुरले कुल २७ पदकका साथ उपाधि जितेको हो ।
बरुणेश्वर माध्यामिक विद्यालय रामपुरले १५ स्वर्ण, ९ रजत र ३ कास्य सहित कूल २७ पदकका साथ प्रथम भएको हो । त्यस्तै ९ स्वर्ण, ७ रजत र २ कास्य सहित कुल १८ पदकका साथ जेसे माध्यामिक विद्यालय जेसे दोस्रो भएको छ । उता शिवदुती माध्यामिक विद्यालय प्राप्चाले पनि ६ स्वर्ण, १ रजत र ६ कास्य पदक सहित कुल १३ पदकका साथ तेस्रो बनेको छ ।
त्यसैगरी सरस्वती माध्यामिक विद्यालय बुङनाम कुन्तादेवीले २ स्वर्ण, ७ रजत र १ कास्य सहित कूल १० पदक सहित चौथो बनेको छ । उता राँगादिप माध्यामिक विद्यालय ले पनि १ स्वर्ण, २ रजत र ५ कास्य सहित ८ पदक साथ पाँचौं बनेको छ । कालिका माध्यामिक विद्यालय प्राप्चाले १ स्वर्ण २ रजत र ४ कास्य सहित कुल ७ पदक प्राप्त गरेको छ ।
त्यस्तै पात्ले माध्यामिक विद्यालय १ स्वर्ण १ रजत र २ कास्य सहित ४ पदक, गणेश माध्यामिक विद्यालय ढुस्केले ३ रजत, ४ कास्य सहित ७ पदक, जिवन प्रदिप मावि हर्कपुरले ३ रजत र २ कास्य सहित ५ पदक र गुरुकुल माध्यामिक विद्यालयले १ कास्य पदक प्राप्त गरेको छ ।
यँहि पुष २३ गतेदेखि सुरु भएको प्रतियोगिता गाउँपालिकाका अध्यक्ष उत्तम कुमार राईको प्रमुख आतिथ्यतामा बिहिबार सम्पन्न भएको हो ।
२६ पुस २०८१, शुक्रबार
42
Shares