यातायात कार्यालय सार्न लागेको भन्दै तालाबन्दी

ओखलढुंगा (रेडियो )ओखलढुंगाको रुम्जाटारमा रहेको यातायात कार्यालय कोसी प्रदेश सरकारले हर्कपुरमा सार्न लागेको भन्दै स्थानीय ले एमाले पार्टी कार्यालय र नेपाली काङ्ग्रेस पार्टी कार्यालयमा तालबन्दी गरेका छन् । नारा जुलुससहित आएका युवा,स्थानीय र एमालेका कार्यकर्ताहरूले सोमबार तालाबन्दी गरेका हुन् ।
चार वर्ष पहिले कार्यालय स्थापना भइ सेवा दिइरहेको र जग्गा प्राप्तिका लागि स्थानीयले जग्गा दिए पनि प्रदेश सरकारले पास गर्न सहमति नदिइरहेको अवस्थामा मानेभञ्ज्याङको हर्कपुर स्थापनाको तयारी भइ पत्राचार भएको थियो । स्थानीय र एमाले नेता अम्बिर गुरुङल गायतको दबाबपछि आन्तरिक मामिला तथा कानुन मन्त्रालयले हर्कपुर पटके कर संकलन केन्द्र राख्न अर्को पत्र पठाएको छ ।
स्थानीय भने सार्ने षड्यन्त्र भएको भन्दै आन्दोलनमा उत्रिएका छन् । कार्यालय रुम्जाटारमै राख्ने र जग्गा प्राप्तिका लागि अनुमति नदिएसम्म आन्दोलन जारी रहने बताएका छन । यस कार्यालयबाट सवारी नवीकरण चालक अनुमतिपत्र वितरण कर संकलनलगायतका काम ओखलढुंगा,खोटाङ र सोलुखुम्बु जिल्ला कार्य क्षेत्र रहने गरि सेवा प्रदान गर्दै आएको छ ।