ओखलढुंगा (रेडियो ओखलढुंगा) आज तामाङ समुदायको सोनाम ल्होछार २८६१ शुरु भएको छ । आज तामाङलगायतका हिमाली बौद्ध समुदायले गरुड वर्षलाई बिदा गरी सर्प वर्षलाई स्वागत गरिँदै छ ।
सोनाम ल्होछारलाई मुसा, गाई, बाघ, बिरालो, गरुड, सर्प, घोडा, भेडा, बाँदर, चरा, कुकुर र सुँगुर गरी १२ वर्षमा विभाजन गरिएको छ ।
ल्हो को अर्थ वर्ग अर्थात वर्ष हो भने छारको नयाँ हुन्छ । सोनाम ल्होछार, तामाङ र हिमाली बौद्ध समुदायले नयाँ वर्षका रूपमा हर्सोल्लासका साथ मनाउँछन्।
सोनाम ल्होछार उत्सव माघ शुक्ल प्रतिपदादेखि पूर्णिमासम्म मनाउने भए पनि विशेषगरी तामाङ समुदायले कम्तीमा पाँच दिन मनाउने गर्छन् ।
ल्होछारमा विभिन्न गुम्बा, घर–घरमा पूजा गरी घरघरलगायत सार्वजनिक स्थानमा दज्र्यु गाड्ने, छो प्रसाद वितरण गर्ने, शुभकामना आदानप्रदान गर्ने, मान्यजनबाट आशीर्वाद ग्रहण गर्ने, चेलीबेटी, इष्टमित्र भेटघाट र सामूहिक भोज तथा साँस्कृतिक कार्यक्रम गर्ने चलन छ ।
सोनाम ल्होसारको अवसरमा सरकारले आज सार्वजनिक बिदा दिएको छ ।
१७ माघ २०८१, बिहिबार
14
Shares