खिजीदेम्बामा महिला भलिवल प्रतियोगिताको उपाधि मानेभन्ज्याङलाई

ओखलढुंगा (रेडियो ओखलढुंगा)खिजीदेम्बा गाउँपालिकाले ११५ औं अन्तराष्ट्रिय महिला दिवसको अवसरमा सञ्चालन गरेको महिला भलिवल प्रतियोगिता सम्पन्न भएको छ । महिला दिवसको अवसर पारेर गाउँपालिकाले खुला वडा स्तरीय महिला भलिवल प्रतियोगिता फागुन २१ गते देखी खिजीदेम्बा गाउँपालिका –५ खिजीपललाटे सञ्चालन गरेको प्रतियोगिता आज सम्पन्न भएको हो । प्रतियोगितामा मानेभन्ज्याङ गाउँपालिका –१ मोली प्रथम ,लिखु गाउँपालिका –४ यसम द्धितिय खिजीदेम्बा गाउँपालिका –२ रगनी तृतिय भएका छन भने खिजीदेम्बा गाउँपालिका –४ खिजीकातिले सान्त्वना स्थान हासिल गरेका छन । प्रतियोगितामा १७ महिला टिमको सहभागीता थियो । प्रतियोगिताका विजेताले नगद रु १ लाख १ हजारको साथमा ट्रफी, मेडल र प्रमाण–पत्र प्राप्त गरेका छन । त्यस्तै दोश्रो हुने टिमले नगद रु ७६ हजार, तेश्रोले ५१ हजार सहित ट्रफी, मेडल र प्रमाण–पत्र प्राप्त गरेका छन। त्यस्तै प्रतियोगितामा सान्त्वना हुने टीमलाई नगद रु २५ हजारका साथमा प्रमाणपत्र प्रदान गरिएको छ ।
भलिवल प्रतियोगितामा विषयगत विधा तर्फ उत्कृष्ट हुने तथा अनुशासीत खेलाडीलाई जनही नगद रु ३ हजार ५५५ का साथमा ट्रफी, मेडल र प्रमाणपत्र प्रदान प्रदान गरिएको छ । त्यस्तै उत्कृष्ट स्पाईकर, उत्कृष्ट डिफेन्डर, उत्कृष्ट सेटर र उत्कृष्ट सर्भरलाई पनि जनही नगद रु २ हजारका साथमा ट्रफी, मेडल र प्रमाणपत्र प्रदान गरिएको आयोजकले जनाएको छ ।