८ श्रावण २०८१, मंगलबार | Tue Jul 23 2024

ओखलढुंगामा इश्वर रिजालले भने ‘गठवन्धनका कारण देश संकटमा’



ओखलढुंगा (रेडियो ओखलढुंगा) । नेकपा एमालेका पोलिटव्यूरो सदस्य इश्वर रिजालले वर्तमान गठवन्धनका कारण देर्श संकटमा परेको आरोप लगाएका छन् । लिखु गाउँपालिकास्तरीय कार्यकर्ता प्रशिक्षणका क्रममा ओखलढुंगा आइपुगेका रेडियो ओखलढुंगासँग संक्षिप्त प्रतिक्रिया दिँँदै यस्तो बताएका हुन् ।
आगामी संघ तथा प्रदेशसभा निर्वाचनमा शसक्त रुपमा प्रस्तुत हुन जनताका माझमा आएको उल्लेख गर्दै नेता रिजालले जनताले एमालले इतरका शक्तिलाई रुचाउन नसक्ने दाबी गरे ।
जनमतको हकमा आफूहरु पहिलो भएकाले शक्तिलाई परिचालन गर्दै थप जनमत जुटाउने, जनतालाई सचेत गराउने अभियानसहित आगामी निर्वाचनमा पहिलो पार्टीको रुपमा उदय हुने र सत्ता सञ्चालन गर्ने रणनीति रहेको रिजालको भनाई छ ।
यसैवीच, नेकपा एमाले लिखु गाउँकमिटिको आयोजनामा एक दिवसीय प्रशिक्षण कार्यक्रम सम्पन्न भएको छ । लिखु गाउँपालिकाको यसममा पोलिटव्यूरो सदस्य इश्वर रिजालको प्रमुख आतिथ्यतामा प्रशिक्षण सम्पन्न भएको हो ।
करीव २ सय जना स्थानीय नेता कार्यकता सहभागि रहेको प्रशिक्षणमा प्रमुख अतिथि रिजाल, एमाले केन्द्रीय सदस्यद्धय यज्ञराज सुनुवार र किशोर अधिकारी लगायतले प्रशिक्षण मन्तव्य व्यक्त गर्नुभयो । वर्तमान राजनैतिक अवस्था, समृद्ध नेपाल सुखी नेपाल बनाउने महाअभियनलाई सफल पार्न खेल्नु पर्ने भूमिका, आगामी निर्वाचनमा पहिलो पार्टी बनाउने र फेरि पूर्व प्रधानमन्त्री केपी शर्मा ओलीलाई नै सत्ता प्रमुख बनाएर विगतमा एमालेले उठाएका मुद्दाहरुलाई संस्थागत गर्ने विषयमा केन्द्रीत भएको कार्यक्रमका प्रशिक्षक तथा प्रदेश सदस्य नानीबाबु बुढाथोकीले जानकारी दिए ।

प्रकाशित मिति : १८ भाद्र २०७९, शनिबार  ३ : ०७ बजे


©2024 Radio Okhaldhunga सर्वाधिकार सुरक्षित