ओखलढुंगा (रेडियो ओखलढुंगा) । ओखलढुंगेली गायक जिबन वम्जनको सेलो गीत युटुबको ‘ट्रेन्डिङ’मा परेको छ । एक दशकदेखि नेपाली संगीत क्षेत्रमा सक्रिय गायक बम्जनको सेलो गीत ढुकुर माउ बोलको गीत युटुबमा सार्वधिक हेरिएको सूचितमा परेको हो । केही दिनअघिसम्म १७ नम्बर ट्रेन्ङिङमा पर्न सफल भएको गायक बम्जनको जम्मा ३ हजार मात्रै सब्सक्राईबर रहेको जीवन बम्जन युटुब च्यानलमार्फत सार्वजनिक गरिएको थियो । उक्त गीत अहिले टिकटकमा समेत निकै चर्चामा रहेको छ । गायक बम्जन र गायिका सुमिना लोको स्वरमा रहेको गीतमा चन्द्र कुमार दोङको संगीत रहेको छ । जिबनको आफ्नै शब्द सिर्जना छ । गायक, गितकार तथा संगीतकार बम्जनका झन्डै डेढ सय गीत बजारमा आईसकेका छन् । उनका गीतहरु प्रायः तामाङसेलो र लोकलयमा आधारित छन् । रेडियो ओखलढुंगासँग कुरा गर्दै गायक बम्जनले निरन्तरको संगीत साधनापछि आफूले सफलता हात पारेको बताए । ढुकुरमाउको सन्दर्भमा गायक वम्जनले भने ‘एक दिनमा खिजीफलाटेबाट उकालो घरतर्फ जाँदै थिएँ । त्यहाँ उत्तीसको रुपमा एक जोडी ढुकुर देखेँ । एउटा चाँही घुरघुर गरिरहेको थियो । पछि थाहा भयो घुर्ने चाँही माउ रहेछ ।’