ओखलढुंगा (रेडियो ओखलढुंगा) । एकिकृत समाजवादी पार्टीका केन्द्रीय सदस्य तथा जिल्ला अध्यक्ष नेत्र प्रसाद भट्टराईले वामपन्थी एकताको आवश्यकता औल्याउनु भएको छ । सामाजिक सञ्जालमा आफ्नो धारण सार्वजनिक गर्नुहुँदै भट्टराईले बामपन्थी एकताले मात्रै सबैलाई सच्चिने मौका मिल्ने भएकाले एक हुनुपर्ने आवश्यकता महशुस गर्नुभएको हो । अध्यक्ष भट्टराईले वामपन्थीहरुवीचका अनावश्यक आरोपप्रत्यारोपले दक्षिणपन्थी चरम अवसरवादको मार्गको प्रस्थान विन्दुमा पुर्याउँने भन्दै वामपन्थी शक्तिहरुवीच एकता र त्यसका जिल्लातहबाट पहल गर्न आफू तयार रहेको जनाउन दिनुभएको हो । लामो समय नेकपा एमालेमा वामपन्थी राजनीति गर्नुभएका भट्टराई एमालेबाट विभाजन भई नेकपा एकिकृत समाजवादी गठनमा लाग्नु भएको थियो । समाजवादीले राष्ट्यि पार्टीको मान्यता नपाएसँगै भट्टराईको यस्तो धारण सार्वजनिक भएको हो ।