ओखलढुंगा (रेडियो ओखलढुंगा) । गाउँपालिका राष्ट्रिय महासङघको केन्द्रीय सदस्यमा ओखलढुंगाबाट चिसङ्खुगढी गाउँपालिका प्रमुख निशान्त शर्मा निर्वाचित हुनुभएको छ । काठमाण्डौमा सम्पन्न महाधिवेशनबाट शर्मा सहित ३६ सदस्य नयाँ कार्यसमितीमा चयन भएको हो । संघको अध्यक्षमा नवलपरासी पूर्वको हुप्सेकोट गाउँपालिकाकी अध्यक्ष लक्ष्मी पाण्डे निर्वाचित हुनुभएको छ । देशभरका विभिन्न गाउँपालिकाका अध्यक्ष २७ जना, नौ जना उपाध्यक्ष र एक जना कार्यसमिति सदस्य गरी ३६ जना कार्यसमिती चयन गरिएको यो । नयाँ गठन भएको कार्यसमितिमा ३६ जना पदाधिकारीमध्ये नौ जनामात्रै महिला सदस्य चयन भएका छन् ।