ब्रेकिङ न्युज

मोलुङमा आमा सुरक्षा कार्यक्रमः निःशुल्क गर्भवती भिडियो एक्सरे   |  ‘अर्ग्यानिक’ खानेकुरामा जोड दिन सामुदायिक विद्यालयमा चमेनागृह   |  पाँच लाख राशीको पसी शेर्पा स्मृती भलिबल आफ्नै खेलमैदानमा   |  दावा एग्रो टुरीजम रिसोर्टमा आगलागीः एक करोडको क्षती   |  चित्रेका युवाहरुलाई शिली नृत्य प्रशिक्षण   |  खिजिदेम्बामा सोनाम ल्होसारको शुभकामना आदानप्रदान   |  मोलुङ हाईड्रोको शेयर भर्ने म्याद थप   |  विपन्न परिवारलाई जाडो छल्न कम्बल   |  

Single Image

नवौँ राष्ट्रिय खेलमा पदक विजेता ओखलढुंगाका ८ खेलाडी सम्मानित

  • प्रकाशित मिति: २०-पौष-२०७९ २:१२
  • रेडियो ओखलढुंगा
नवौँ राष्ट्रिय खेलमा पदक विजेता ओखलढुंगाका ८ खेलाडी सम्मानित

प्रमिला श्रेष्ठ (रेडियो ओखलढुंगा) । नवौँ राष्ट्रिय खेलकुद प्रतियोगीतामा पदक प्राप्त गर्ने ओखलढुंगाका ८ जना खेलाडी सम्मानित भएका छन् । प्रदेश खेलकुद विकास वोर्ड प्रदेश नं. १ ले असोज २८ गतेदेखि कार्तिक ३ गतेसम्म गण्डकी प्रदेशमा सञ्चालित नवौँ राष्ट्रिय खेलकुद प्रतियोगीतामा जिल्लाका विभिन्न विधातर्फ पदक विजेता ८ जना खेलाडीलाई सम्मान गरेको हो । जिल्लाबाट छनौट भई प्रदेशस्तरीय प्रतियोगीतामा सहभागी बनेर उत्कृष्ट खेल प्रदर्शन गर्दै राष्ट्रिय प्रतियोगीतामा समेत पदक हात पार्न सफल करातेतर्फ १, जुडोतर्फ १, गल्फतर्फ १ र प्याराग्लाईडिङतर्फ ५ जना खेलाडीहरु सम्मानित भएको जिल्ला खेलकुद विकास समिती ओखलढुंगाका कार्यालय प्रमुख बालकुमार खनालले जानकारी दिनुभयो । सम्मानित हुनेमा करातेतर्फ विनिता श्रेष्ठ, जुडोतर्फ प्रविनकुमार दियाली, गल्फतर्फ सम्झना दाहाल खत्री रहेका छन् । त्यस्तै प्याराग्लाईडिङतर्फ युवराज सुनुवार, रोशन बस्नेत, दिलकुमार सुनुवार, देविकामाया सुनुवार र अनुष्का सुनुवार छन् । प्रदेश खेलकुद विकास बोर्डले प्रदेश नं. १ को १४ ओटै जिल्लाका स्वर्ण पदक विजेता खेलाडीलाई जनही १ लाख, रजत पदक विजेतालाई ७५ हजार र कास्य पदक विजेतालाई ५० हजार सहित प्रमाणपत्र वितरण गरेको छ । प्रशिक्षकले २५ हजार, ब्यवस्थापकले २० हजार सहित प्रमाणपत्र प्राप्त गरेका छन् । राष्ट्रिय खेलमा ओखलढुंगाबाट विभिन्न विधाबाट २६ जना खेलाडी सहभागी भएका थिए ।


तपाईलाई यो खबर कस्तो लाग्यो?

कमेन्ट गर्नुहोस

Comment Section



Top