३ असार २०८१, आइतबार | Sun Jun 16 2024

विद्या राई स्मृती भलिबल प्रतियोगिताको उपाधी कुईभिर माविलाई



ओखलढुंगा (रेडियो ओखलढुंगा) । विद्या राई स्मृती मावि स्तरीय खुल्ला भलिबल प्रतियोगिताको उपाधी कुईभिर मावि कुईभिरले जितेको छ । चिसङ्खुगढी गाउँपालिका वडा नं. १ कुईभिर, सिंहदेवी खेलमैदानमा सम्पन्न मावि स्तरीय भलिबल प्रतियोगीताको फाईनलमा जाल्पा माविलाई हराउँदै कुईभिर माविले उपाधी जितेको हो ।
फाईनलमा हार ब्यहोरेसँगै जाल्पा मावि दियाले उपविजेतामा सिमित भएको छ । ओखलढुंगा, खोटाङ र सोलुखुम्बुका गरी ११ ओटा मावि स्तरीय विद्यालयको सहभागीता रहेको प्रतियोगीतामा हिमालदर्शन मावि नेचाले सान्त्वना स्थान प्राप्त गरेको समाजका अध्यक्ष डिल्लिबहादुर राईले जानकारी दिनुभयो ।

May be an image of 2 people, people standing, people sitting and outdoors
भलिबल प्रतियोगीता सम्पन्न भएसँगै वडाभित्रका ५१ जना ८० वर्षभन्दा माथीका जेष्ठनागरिकहरुलाई खाद्यान्न वितरण गर्दै दोसल्ला ओढाएर सम्मान, कुईभिर वृत्तचित्र निर्माण र हाजिरीजवाफ प्रतियोगिता गरिएको अध्यक्ष राईले बताउनुभयो ।\

May be an image of 12 people and people standing
शुक्रबार भएको वडाभित्रका आधारभूत विद्यालय स्तरीय हाजिरिजवाफ प्रतियोगीतामा कुईभिर माविले प्रथम स्थान प्राप्त गरेको छ । गहते आवि द्धितिय, हरिकालिका आवि तृतीय र निरार्जुन आविले सान्त्वना स्थान प्राप्त गरेको छ । हाजिरिजवाफतर्फ ४ ओटा विद्यालयको सहभागीता रहेको थियो ।
कुईभिर सेवा समाज ओखलढुंगा काठमाण्डौको आयोजनामा सम्पन्र्न भलिबल प्रतियोगीताको विजेता समूहलाई ५० हजार, उपविजेतालाई ३० हजार र सान्त्वना समूहलाई २० हजारको साथमा शिल्ड, मेडल र प्रमाणपत्र प्रदान गरिएको छ । त्यस्तै शुक्रबार सम्पन्न हाजिरीजवाफतर्फ प्रथम, द्धितिय, तृतिय हुने समूहलाई, ५ हजार, ३ हजार, २ हजार सहित प्रमाणपत्र प्रदान गरिएकोे कुईभिर सेवा समाजले जनाएको छ ।

प्रकाशित मिति : १४ माघ २०७९, शनिबार  ४ : ३८ बजे


©2024 Radio Okhaldhunga सर्वाधिकार सुरक्षित