ओखलढुंगा (रेडियो ओखलढुंगा) । पाँच लाख राशी बराबरकोे पसी शेर्पा स्मृती रनिङशिल्ड कप महिला तथा पुरुष भलिबल प्रतियोगीता फागुन ११ गतेबाट हुने भएको छ । पसी शेर्पा ट्रष्टको आयोजनामा खिजिदेम्बा गाउँपालिका वडा नं. ६ स्थित नवनिर्मित पसी शेर्पा स्मृती खेलमैदानमा फागुन ११ गतेबाट महिला तथा पुरुष भलिबल प्रतियोगीता हुने भएको हो । शिक्षा, खेलकुद, पर्यटन तथा परोपकारी क्षेत्रमार्फत राष्ट्रनिर्माणमा योगदान पुर्याउने उद्देश्यले आयोजना वडास्तरीय प्रतियोगीता आयोजना गरिएको अध्यक्ष लाक्पागेल्जे शेर्पाले जानकारी दिनुभयो । प्रतियोगीतामा जिल्लाबाट ७५ ओटै वडाका महिला तथा पुरुष खेलाडीहरुले सहभागीता जनाउन पाउनेछन् । आठ समूहसम्म लिग र सो भन्दा माथी सहभागी भएमा लिगकम नकआउटको आधारमा खेलाईने छ । प्रतियोगीताको विजेता समूह महिला र पुरुष दुवैतर्फ रु.५ लाख राशी बराबरको रनिङशिल्डसहित नगद रु.७० हजार, मेडल र प्रमाणपत्र प्रदान गरिनेछ । त्यस्तै उपविजेता समूहले ४५ हजार, तृतीय समूहले २५ हजार र सान्तवनाले १५ हजारको साथमा मेडल र प्रमाणपत्र प्राप्त गर्नेछन् । दश समूहभन्दा बढीको सहभागीता भएमा मात्र सान्त्वना पुरस्कार प्रदान गरिने प्रचारप्रार संयोजक पेम्बा शेर्पाले जानकारी दिनुभयो । प्रतियोगीतामा सहभागी हुने खेलाडीहरुले फागुन १० गतेसम्म टिम दर्ता गराईसक्न आयोजकले अनुरोध गरेको छ । ट्रष्टले भलिबल प्रतियोगीतासँगै खिजिदेम्बा गाउँपालिका भित्रका विद्यालबाट अध्ययन गरि कक्षा १२ मा सर्वाेत्कृष्ट नतिजा प्राप्त गरेका छात्र र छात्रा १÷१ जनालाई सम्मान गर्ने भएको छ । उनीहरुको सम्मान स्वरुप रु.२५ हजार नगद सहित प्रशंसापत्र प्रदान गर्दै ‘टप स्टुडेन्ट अफ द ईयर’ घोषणा गरिने पसी शेर्पा ट्रष्टले जनाएको छ ।