ओखलढुंगा (रेडियो ओखलढुंगा) । एकिकृत अखिल नेपाल शिक्षक संगठनको महासचिवमा ओखलढुंगाबाट कुलप्रसाद खतिवडा चयन हुनुभएको छ । बरुणेश्वर मावि रामपुरका प्रधानाध्यापक खतिवडा सर्वसम्मत महासचिवमा चयन हुनु भएको हो । यसअघि खतिवडा कोषाध्यक्षको जिम्मेवारीमा हुनुहुन्थ्यो । संगठनको अध्यक्षमा भने शंकर अधिकारी चयन हुनुभएको संगठनले जनाएको छ । माओवादी केन्द्र निकट शिक्षकहरुको छैटौं महाधिवेशनले २१ पदाधिकारी बनाएको छ । वरिष्ठ उपाध्यक्षमा मानबहादुर पाण्डेसहित ९ जना उपाध्यक्ष बनाएको रहनुभएको छ । त्यस्तै, उपमहासचिव र सचिव ५÷५ जनालाई बनाएको छ । अर्थ उपमहासचिव गणेश रिजाल हुनुहुन्छ । त्यस्तै, ओखलढुंगाबाट शिवदूती मावि प्राप्चाका प्रअ रामकुमार ढकाल लगायत केन्द्रीय सदस्यमा चयन हुनुभएको छ ।