ओखलढुंगा (रेडियो ओखलढुंगा) । सिद्धिचरण नगरपालिका हाट लाग्ने क्षेत्रमा पशुंक्षी विक्रिवितरण कक्ष निर्माण सुरु भएको छ । वडा नं. १२ स्थित साताको दुईपटक शनिबार र बुधबार लाग्ने हाटबजार क्षेत्रमा पशुपंक्षी विक्रिवितरण सहजताका लागि कक्ष निर्माण कार्य सुरु गरिएको हो । नगरपालिका भेटेरीनरी तथा पशुपंक्षी शाखाबाट रु.१० लाख र वडा कार्यालयबाट रु.२ लाख सहित रु.१२ लाख बजेटबाट पशुपंक्षी विक्रिवितरण कक्ष निर्माण कार्य सुरु गरिएको वडाअध्यक्ष उमंग श्रेष्ठले जानकारी दिनुभयो । अध्यक्ष श्रेष्ठका अनुसार अहिले उपभोक्ताबाट ढलानको काम सञ्चालन भैरहेको छ । अब ट्रष्ट निर्माण गरीने र दुई हप्ताभित्र काम सम्पन्न गर्ने अध्यक्ष श्रेष्ठले बताउनुभयो । उक्त पशुपंक्षी कक्षमा खसीबोका र कुखुरा विक्रिवितरण गर्न पाईने जनाएको छ । सुँगुर तथा बंगुर विक्रिवितरण कक्षको लागि गोजखान क्षेत्रमा आगामी वर्ष निर्माण गर्ने योजना रहेको वडाले जनाएको छ ।