ओखलढुंगा (रेडियो ओखलढुंगा) । सिद्धिचरण नगरपालिका वडा नं. १२, शितलपुरका किसानहरुलाई फलफुलमा लाग्ने रोगकिरा रोकथामको लागि औषधी वितरण गरिएको छ । कृषि ज्ञान केन्द्र ओखलढुंगाले शितलपुरका २० जना किसानहरुलाई औषधी वितरण गरेको हो । औषधी प्राप्त गरेसँगै किसानहरु हर्षित भएका छन् । आफूहरुले रोपेको सुन्तला, जुनार तथा कागतीमा रोग नलाग्ने, फल नझर्ने र रोग लागिहाले औषधी प्रयोग गर्ने किसानहरुले बताएको, वडा अध्यक्ष उमंग श्रेष्ठले बताउनुभयो । उक्त औषधी हप्ताको एक पटकको दरले दश हप्ता फलफफुलमा लगाउनुपर्ने कृषि ज्ञान केन्द्र ओखलढुंगाले जनाएको छ ।