८ श्रावण २०८१, मंगलबार | Tue Jul 23 2024

ज्यामिरेमा कृष्ण मन्दिर उद्घाटन



ओखलढुंगा (रेडियो ओखलढुंगा) । सिद्धिचरण नगरपालिका वडा नं. ९ ज्यामिरे, गहतेमा निर्माण सम्पन्न कृष्ण मन्दिरको उद्घाटन गरिएको छ । एक औपचारिक कार्यक्रमकावीच नगर उपप्रमुख केदारबाबु वस्नेतले मन्दिरको उद्घाटन गर्नुभएको हो ।
धर्म, संस्कृती जगेर्नाको लागि वडाकार्यालयको रु. २ लाख, स्वास्थ्य आमा समूहको रु. २ लाख र अन्य दाताहरुको आर्थिक तथा भौतिक सहयोगमा रु. ६ लाखको लागतमा निर्माण सम्पन्न भएको वडा अध्यक्ष गुणबहादुर खड्का विवेकले जानकारी दिुनभयो । ८ आना जग्गामा निर्माण सम्पन्न कृष्ण मन्दिरको जग्गा स्थानीय भूपेन्द्र श्रेष्ठ र टोकल श्रेष्ठले निःशुल्क प्रदान गर्नुभएको हो । कार्यक्रमकै अवसरमा दाताहरुलाई दोसल्ला ओढाएर सम्मान पत्रसहित सम्मान गरिएको वडाअध्यक्ष खड्काले बताउनुभयो । कार्यक्रममा पूर्व नगरप्रमुख मोहनकुमार श्रेष्ठ, सिद्धिचरण स्वास्थ्य शाखा प्रमुख पवन लामा, वडा नं. ९ का पूर्व वडा अध्यक्ष दानबहादुर बाँनिया, आमा समुहसञ्जाल अध्यक्ष भिमकुमारी खड्का लगायत स्थानीयहरुको उपस्थिती रहेको थियो ।

प्रकाशित मिति : १३ चैत्र २०७९, सोमबार  ४ : ३७ बजे


©2024 Radio Okhaldhunga सर्वाधिकार सुरक्षित