ओखलढुंगा (रेडियो ओखलढुंगा) । ओखलढुंगाबाट दुई विधाका ४ खेलाडी १३ औं केन्द्र स्तरीय राष्ट्रपति रनिङ शिल्ड खेलकुद प्रतियोगितामा सहभागि हुँदैछन् । जिल्लाबाट प्रदेश स्तरमा सहभागी ८० खेलाडी मध्येबाट कबडी र भलिबल छात्र र छात्रा दुवैतर्फ गरी ४ जना खेलाडी केन्द्र स्तरीय राष्ट्रपति रनिङ शिल्ड खेलकुद प्रतियोगितामा सहभागि हुने भएका हुन् । सहभागि हुनेहरुमा कबडी महिलातर्फ सिद्धिचरण नगरपालिका वडा नं. ३ की आरती राई र पुरुषतर्फ सिनपा ९ का खेमराज गुरुङ रहेको जिल्ला खेलकुद विकास समिती ओखलढुंगाका अध्यक्ष प्रविन श्रेष्ठले जानकारी दिनुभयो । त्यसैगरी पुरुष भलिबलतर्फ मोलुङ गाउँपालिकाका अर्जुन तामाङ र महिलातर्फ सिनपा ६, जन्तरखानीकी याङ्किला (च्यामु) शेर्पा रहेका छन् । उनीहरुले कोशी प्रदेश स्तरको टिमबाट राष्ट्रिय प्रतियोगिता खेल्ने कार्यालय प्रमुख बालकुमार खनालले जानकारी दिनुभयो । प्रतियोगिता भोली बैशाख १५ गतेबाट काठमाण्डौँस्थित दशरथ रंगशाला तथा विभिन्न कबर्डहलहरुमा सञ्चालन हुँदैछ ।