मुख्यमन्त्री कपका लागि जिल्ला छनौट गरीदै: फारम भर्न अनुरोध

ओखलढुंगा (रेडियो ओखलढुंगा) । मुख्यमन्त्री कप फुटबल प्रतियोगिताका लागि जिल्ला छनौट खेल सञ्चालन हुने भएको छ । जेठ १ गतेबाट ओखलढुंगामा सञ्चालन हुने कोशी प्रदेश स्तरीय मुख्यमन्त्रीकप फुटबल प्रतियोगिताको लागि जिल्ला टिम तयार गर्न छनौट प्रतियोगिता सञ्चालन हुने भएको हो ।
छनौटमा सहभागिताको लागि बैशाख २० गते सम्म फारम भर्न भनिएको जिल्ला खेलकुद विकास समिति ओखलढुंगाका अध्यक्ष प्रविन श्रेष्ठले जानकारी दिनुभयो । ओखलढुंगा जिल्लाभित्रका फुटबल खेलिरहेका खेलाडीहरुले सहभागिता जनाउन सक्नेछन् । फारम जिल्ला खेलकुद विकास समिति ओखलढुंगाको कार्यालयमा (कार्यालय समयभित्र) वा सिद्धिचरण नगरपालिका वडा नं. ११ रामबजारस्थित बंगलामुखी फोटोस्टुडियो र अष्टमातृका फोटोस्टुडियोमा उपलब्ध हुने जिखेविस ओखलढुंगाका कार्यालय प्रमुख बालकुमार खनालले जानकारी दिनुभयो ।
मुख्यमन्त्रीकप फुटबल प्रतियोगिताका लागि अहिले सिद्धिचरण १२ स्थित स्थानीय खेलमैदानलाई अखिल नेपाल फुटबल संघ (एन्फा) को मापदण्डअनुसार निर्माण गर्ने कार्य भैहरको छ । खेलमैदान निर्माण सम्पन्न पश्चात जिल्ला छनौट गरीने जिल्ला खेलकुद विकास समिति ओखलढुंगाले जनाएको छ ।