ओखलढुंगा (रेडियो ओखलढुंगा) । ओखलढुंगाको खिजीदेम्बामा ङोडुप छोलिङ गुम्बामा आगलागी हुँदा लाखौको बराबरको क्षति भएको छ । खिजीदेम्बा गाउँपालिका वडा नं २ बौद्धस्थित ङोडुप छोलिङ गुम्बामा बुधबार राति अगालागी हुदा ३२ लाख बराबरको क्षति भएको हो । आगलागीबाट गुम्बा पूर्णरुपमा जलेर नस्ट भएको र गुम्ब भित्र रहको बौद्धधर्मसँग सम्बन्धित सामाग्री, लत्ता कपडा, ग्रन्थ, मूर्ति, पूजाको लागी प्रयोग गरिने समाग्री जलि नष्ट भएको जिल्ला प्रहरि कार्यालय ओखलढुंगाका प्रहरी निरीक्षक देवेन्द्र दासले जानकारी दिनुभयो । आगलागी हुनुको कारण नखुुलेपनि गुम्बामा बालिएको दियोबाट घटना घटेको हुन सक्ने खिजीदेम्बा गाउँपालिका अध्यक्ष गम्बु शेर्पाले जानकारी दिनुभयो ।