ओखलढुंगा (रेडियो ओखलढुंगा) । ओखलढुंगाको सुनकोशी गाउँपालिका वडा नं. ९ स्थित चम्पादेबी आधारभूत विद्यालयको नयाँ व्यवस्थापन समिति गठन भएको छ । अभिभावक सृजना सुनुवारको अध्यक्षतामा नयाँ विद्यालय व्यवस्थापन समिति गठन भएको हो । जेठ ५ भएको अभिभावक भेलाले सुनुवारको अध्यक्षतामा ९ सदस्यीय विद्यालय व्यवस्थापन समिति गठन गरेको वडा अध्यक्ष हितराज कार्कीले जानकारी दिनुभयो । नवनिर्वाचित व्यवस्थापन समितिको सदस्यहरुमा हितराज कार्की, नर बहादुर सुनुवार, मान बहादुर तामाङ, पेमा तामाङ, साङ्जी तामाङ, नीरमाया तामाङ रहनुभएको छ । त्यस्तै, शिक्षक प्रतिनिधीमा नवराज धमला र सदस्य सचिवमा प्रधानाध्यापक पशेल पेशल कुमार कार्की रहनुभएको जनाइएको छ ।