८ श्रावण २०८१, मंगलबार | Tue Jul 23 2024

लक्षीमायालाई न्याय दिन सफल भयौंः संयोजक अधिकारी



ओखलढुंगा (रेडियो ओखलढुंगा) । ओखलढुंगाको सुनकोशी गाउँपालिकाकी अपांगता भएकी एक महिलाले २५ बर्षपछि न्याय पाएकी छन् । ३५ बर्षीय लक्षीमाया तामाङले २५ बर्षपछि बुबाको नामबाट अंश पाउने भएकी हुन् ।
सुनकोशी गाउँपालिका न्यायिक समितिमा परेको उजूरीलाई फच्र्यौट गर्ने क्रममा लक्षीमायाले बुबाबाट अंश पाउने गरी मुद्धा फैसला भएको न्यायिक समितिका संयोजक सुनिता अधिकारीले जानकारी दिनुभयो । दुई वटा श्रीमती विवाह गरेका बुबाबाट १० बर्षको उमेरदेखि अलग वस्दै आएकी लक्षीमायाले लामो समयदेखि अंशका लागि विभिन्न निकायमा धाएपनि न्याय पाउन नसकेपछि स्थानीय न्यायिक समितिमा निवेदन दिनुभएको थियो ।
न्यायिक समितिको सचिवालयले लक्षीमायालाई बुबाको नामबाट ८ रोपनी जग्गा दिलाउने निर्णय गरेको संयोजक अधिकारीको भनाइ छ । स्थानीय सरकार सञ्चालन ऐन २०७४ को दफा ४७ को १ र २ बमोजिम लक्षीमायालाई बुबाबाट ८ रोपनी जग्गा अंश पाउने निर्णय भएको र यसबाट स्थानीय सरकार, जनप्रतिनिधीले खेल्नुपर्ने भूमिका सफल भएको अनुभूति गर्न पाएको लक्षीमायाको भनाइ छ । अधिवक्ता गुरुबहादुर वस्नेतको सहजिकरणमा न्यायिक समितिले एकै दिन ३ वटा मुद्धाहरु फच्र्यौट गरेको थियो ।

प्रकाशित मिति : ७ जेष्ठ २०८०, आइतबार  ७ : २२ बजे


©2024 Radio Okhaldhunga सर्वाधिकार सुरक्षित