आँखा केन्द्र ओखलढुंगामा दूर चिकित्सा यन्त्र सूचारु

ओखलढुंगा (रेडियोओखलढुंगा)सामुदायिक आँखा केन्द्र ओखलढुंगामा टेलियोथाल्मालोजी सर्भिस (दूर चिकित्सा) यन्त्र सञ्चालन गरिएकोे छ । मधुमेह, उच्च रक्तचाप, आँखाको रेटिनामा समस्या भएका विरामिहरुको सहजताका लागि यन्त्र सञ्चालन गरिएको हो ।
दुर चिकित्सा यन्त्रबाट विरामिहरु जाँच गर्दा प्रत्यक्षरुपमा तिलगंगा आँखा प्रतिष्ठानसम्म पुग्ने भएकाले प्रतिष्ठानबाटै जाँच तथा परामर्श लिन सकिने आँखा केन्द्र प्रमुख टिका राईले जानकारी दिनुभयो । विरामी जाँच तथा परामर्शको लागि आँखा केन्द्र विहान ९ देखि साँझ ६ बजेसम्म खुल्नेछ । उक्त यन्त्रको प्रयोगले सम्बन्धित विरामीहरुले राजधानी धाउनुपर्ने बाध्यता हट्ने विश्वास व्यक्त गरिएको छ ।