३ असार २०८१, आइतबार | Sun Jun 16 2024

खिजीदेम्बाको पर्यटन प्रबद्र्धन गर्न राजधानीमा कार्यक्रम



ओखलढुंगा (रेडियो ओखलढुंगा) । खिजीदेम्बा गाउँपालिका, ओखलढुंगाले पर्यटन प्रबद्र्धन गर्न हेतुले काठमाडौंमा कार्यक्रम आयोजना गर्ने भएको छ । गाउँपालिकाले पर्यटन प्रबद्र्धन गरी आर्थिक रुपमा समृद्ध बनाउन कार्यक्रम आयोजना गर्न लागेको हो ।
गाउँपालिकाले जिल्लाकै उच्च स्थानमा सर्भेक्षण गरेको गल्फ खेल सफल भएको र उक्त सर्भेक्षणका क्रममा निर्माण गरी वृत्तचित्र प्रस्तुत गर्ने कार्यक्रम रहेको अध्यक्ष गम्बु शेर्पाले जानकारी दिनुभयो ।
नेपाल पर्यटन बोर्ड र ट्रेकिङ एजेन्सिज एशोसियसन अफ नेपालको सहआयोजना पर्यटन बोर्डमा हुन लागेको कार्यक्रममा खिजीदेम्बा भित्रको पर्यटकीय संभावनाका बारेमा समेत छलफल हुने अध्यक्ष शेर्पाको भनाइ छ ।
पर्यटन मन्त्री सुदन किराँतीको विशेष आतिथ्यतामा हुने कार्यक्रममा पर्यटन व्यावसायी, गल्फ खेलाडी, आरोही, पथ प्रदर्शक लगायत सरोकारवालाहरुको उपस्थिती रहने प्रमुख प्रशासकीय अधिकृत डम्बरबहादुर रजनमगरले जानकारी दिनुभयो ।

प्रकाशित मिति : २२ जेष्ठ २०८०, सोमबार  ६ : ५२ बजे


©2024 Radio Okhaldhunga सर्वाधिकार सुरक्षित