१३ जेष्ठ २०८१, आइतबार | Mon May 27 2024

मानेभन्ज्याङ्गमा आँखा जाँच्ने बढ्न थाले



ओखलढुंगा (रेडियो ओखलढुंगा) । ओखलढुंगा जिल्लाको मानेभञ्ज्याङ–६ हिलेपानीमा रहेको स्वास्थ्य चौकीमा दैनिक आँखा जाँच गर्नेको संख्या बढ्न थालेको छ । पछिल्लो समय आँखा पाक्ने रोग फैलिएसँगै दैनिक ३ देखि ४ जनाले आँखा जाँच गर्न थालेहो हो ।
आँखा पाक्ने रोगको लक्षण नदेखिएपनि आँखा जाँच दैनिक रुपमा भिड लाग्ने गरेको स्वास्थ्य चौकीका अहेव करुणा राईले जानकारी दिनुभयो ।
एकासी एउटा अथवा दुबै आँखा रातो हुने, धेरै चिलाउने, आँसु बगिरहने, सुनिने दुख्ने, बिझाउने, घाम तथा उज्यालो प्रकाशमा हेर्न समस्या हुनेहरुले तत्काल आँखा जाँच्नु पर्ने अहेव राईकोभ भनाई छ ।
दैनिक रुपमा आँखा जाँच्न आउनेहरुलाई स्वास्थ्य चौकीले आँखा पाक्ने सरुवा रोग भएकाले यसबाट बच्न जथाभावी रुपमा आँखा नछुने, आँखालाई छुनु भन्दा पहिला हातलाई राम्रोसँग साबुन पानीले हात धुने सफा पानीले आँखा सफा गर्ने व्यक्तिगत सफाइमा ध्यान दिने सुझाएका छन् ।

प्रकाशित मिति : २९ श्रावण २०८०, सोमबार  ९ : २४ बजे


©2024 Radio Okhaldhunga सर्वाधिकार सुरक्षित