ओखलढुंगा (रेडियो ओखलढुंगा) सिद्धिचरण नगरपालिका वडा नं.७ का शिक्षक हरुलाई २ दिने पोर्टफोलियो र शिक्षक डायरी को प्रभावकारी प्रयोग सम्बन्धी तालिम प्रदान गरिएको छ ।
७ नम्बर वडा शिक्षा समितिको आयोजना र बिगुटार माध्यमिक विद्यालयको समन्वयमा वडा भित्रका ३५ जना शिक्षकहरुलाई २ दिने पोर्टफोलियो र शिक्षक डायरी को प्रभावकारी प्रयोग सम्बन्धी तालिम प्रदान गरेको हो । नयाँ पाठ्यक्रमको एकिकृत पाठ्यक्रम कक्षा १ देखि ३ सम्मका विद्यार्थीहरुको मूल्याकंन, विवरणहरु राख्न प्रयोग पोर्टफोलियो र दैनिक पाठयोजना, वार्षिक योजना ,शैक्षणिक योजनाहरु उल्लेखित शिक्षक डायरीको प्रभावकारीरुपमा प्रयोग गर्न तालिम प्रदान गरेको तालिमका सहजकर्ता तथा विगुटार माध्यमिक विद्यालयका प्रधानाध्यापक युवराज दाहालले जानकारी दिनुभयो । भदौ ५ गतेदेखि सुरु भएको कार्यशाला बुधबार सम्पन्न भएको थियो । कार्यशालामा शिक्षकहरूलाई विद्यार्थी पोर्टफोलियो तथा शिक्षक डायरी लाई कसरी भरपुर रूपमा प्रयोग गर्ने भन्ने विषयमा प्रयोगात्मक रूपमै जानकारी प्रदान गरिएको प्रधानाध्यापक दाहालले बताउनुभयो । तालिमको सहजीकरण सहायक प्रधानाध्यापक कुलप्रसाद घिमिरेले गर्नु भएको थियो ।