ओखलढुंगा (रेडियो ओखलढुंगा) ओखलढुंगाको मानेभन्ज्याङका कृषकले व्यवसायिकरुपमा किभि खेति गर्न थालिएको छ । गाउँपालिकाको वडा नं. ५ वाघपाइले डाडाँका मिलन आलेमगरले व्यवसायीकरुपमा किभि खेति गर्न थालिएको हो । सुरुवातमा नमुना परीक्षणका लागि ७० वटा विरुवा रोपेकोमा अहिले व्यवसायीक रुपमै खेति गर्न थालेका छन् । हाल किभि खेतिबाट वार्षिकरुपमा ५ लाख सम्मको हाराहारीमा आम्दानि हुने गरेको व्यवसायि मिलन आले मगरले बताए ।

सुरुमा प्याट कार्यक्रमबाट ७० बोट किभिको विरुवा २१०० हजारमा खरीद गरेकोमा हाल फर्म नै सञ्चालन गरि खेतिबाट मनग्य आम्दानी भईरहेको मगरले बताए । प्याट कार्यक्रमबाट किभि खेतिको सम्भावना र खेतिबारे आवश्यक ज्ञान हासिल गरेका मगरले पछि २०७४ देखि एक लौटि व्यवसाय गर्न ३०० बोट विरुवा ल्याएर किभिको खेति सुरु गरेको आलेले बताए । उत्पादन गरेको किभि जिल्ला भित्र नै बिक्री हुँदै आएको र माग भए अनुसार काठमाडौंमा समेत पठाउने गरेको छ ।
हाल १४ रोपनि क्षेत्रफलमा किभि खेति गरिरहेको व्यवसायी मगरले बताए ।