ओखलढुंगा (रेडियो ओखलढुंगा) खिजीदेम्बा गाउँपालिकामा चट्याङ लागेर एक हल गोरुको मृत्यु भएको छ । गाउँपालिकाको वडा नं ४ खिजीकातिका फुलमान तामांङको एक हल गोरुको चट्याङ लागेर मृत्यु भएको हो । चट्याङले पशु चौपायामा क्षति हुँदा ४० हजार बराबरको क्षति भएको , मानविय क्षति भने नभएको जिल्ला प्रहरी कार्यालय ओखलढुङ्गाका प्रहरी निरीक्षक विकास राईले जानकारी दिनुभयो । (हिजो) आईतवार बेलुका पानी सङ्गै परेको चट्याङले घर नजिकै रहेको आफ्नै बारीमा बनाएको गोठको चौपायामा क्षति पुगेको हो ।
(आज) सोमवार प्रहरी चौकी रावादोलुमा खबर प्राप्त हुन साथ विस्तृत जानकारीका लागि प्रहरी चौकी रावादोलुबाट प्रहरी सहायक निरीक्षकको कमाण्डमा प्रहरी टोलि खटि गई आवश्यक मुचुल्का समेतको कार्य भईरहेको प्रहरी निरीक्षक राईले जानकारी दिनुभयो ।