ओखलढुंगा(रेडियो ओखलढुंगा) ओखलढुंगाको सुनकोशी गाउँपालिकामा कुटपिटबाट गम्भीर घाईते वृद्धको उपचारको क्रममा मृत्यु भएको छ । गाउँपालिकाको वडा नम्बर ८ माझगाउँका ८३ वर्षीय सोम बहादुर अधिकारीको उपचारको क्रममा मृत्यु भएको हो । आज बिहान करिब ९ बजेको समयमा सोहि ठाउँका ८३ वर्षीय तिलक बहादुर कटुवालले मृतक सोम बहादुरलाई दुध लिएर घर तर्फ फर्कने क्रममा घर पछाडिबाट धकेल्दा लडि गम्भीर घाईते भएको थियो । गम्भीर घाईते सोम बहादुरको जिल्ला अस्पताल रुम्जाटारमा बिहान १० बजे उपचारको क्रममा मृत्यु भएको जिल्ला प्रहरी कार्यलय ओखलढुंगाका प्रहरी निरीक्षक विकास राईले जानकारी दिनुभयो । कुटपिट गर्ने तिलक बहादुर कटुवाल लाई प्रहरीले नियन्त्रणमा लिएको छ । आवश्यक कानुनी प्रक्रियाको लागि जिल्ला प्रहरी कार्यालय ओखलढुंगाबाट प्रहरी निरीक्षकको कमाण्डमा ५ जना प्रहरी टोलि खटिएको जिल्ला प्रहरी कार्यलय ओखलढुंगाले जनाएको छ ।