जालो र बुहारी संस्थाले अस्पतालका बिरामीलाई दर

ओखलढुंगा (रेडियो ओखलढुंगा )ओखलढुंगामा उपचार भईरहेको बिरामीलाई तीजको अवसरमा दर खुवाईएको छ । सामुदायिक अस्पताल मिसनमा आईतबार महिला सुरक्षा जालो र मेची महाकाली बुहारी संयुक्त आवाज ओखलढुंगाले संयुक्त रुपमा दर खुवाएका हुन ।
अस्पतालका गर्भवी, सुत्केरी लगायत उपचारको क्रमका रहेका ७३ जना बिरामी र ड्यूटीमा रहेका स्वास्थ्यकर्मीलाई दर खुवाईएको सुरक्षा जालोका संयोजक अम्बिका श्रेष्ठले जानकारी दिनुभयो ।
नजिकिँदै गरेको तीजको अवसर पारि दुई संस्थाका सदस्यहरुबाट एक हजारको दरले रकम संकलन गरी बिरामीलाई दर खुवाएको हो । संस्थाकाका सदस्यहरुले विभिन्न समयमा समुाहिक रुपमा सहयोग गर्दै आएका छन । जिल्ला समन्वय समिति ओखलढुंगाका उपप्रमुख तारा कार्की जि.स.स. सदस्य भिमकुमारी कटुवाल र दुवै संस्थाका सदस्यहरुको उपस्थितिमा दर वितरण गरेको हो