३ असार २०८१, आइतबार | Sun Jun 16 2024

सेर्ना स्वास्थ्य चौकीमा आँखा शिविरबाट १५५ जना सेवाग्राहीले लिए सेवा : ८ जना मोतिविन्दु शल्यक्रिया गनुपर्ने



ओखलढुंगा (रेडियो ओखलढुंगा) । चिशंखुगढीं गाउँपालिकाको वडा नम्बर २ सेर्ना स्वास्थ्य चौकीमा आँखा शिविरबाट १५५ जना सेवाग्राहीले जनाले सेवा लिएका छन् । एकदिने निःशुल्क आँखा जाँच तथा मोतिविन्दु छनोट शिविर अन्तर्गत पाँचौ दिन (विहीबार) सेर्ना स्वास्थ्य चौकीमा सञ्चालन गरेको शिविरमा १५५ सेवाग्राहीले सेवा लिएको हो । जसमा मोतिविन्दु शल्यक्रिया गर्नुपर्ने ८ जना रहेको सामुदायिक आँखा केन्द्र ओखलढुंगाका प्रमुख टीका चाम्लिङ राइले जानकारी दिनुभयो ।
शिविर १४ गते सुनकोशी गाउँपालिका वडा नम्वर ७ र ८ कोट घर च्यानम र मानेभञ्ज्याङ गाउँपालिका वडा नम्वर १ मोली स्वास्थ्य चौकीमा सञ्चालन गर्ने भएको छ ।
त्यस्तै १७ गते मानेभञ्ज्याङ गाउँपालिका ३ उँवु स्वास्थ्य चौकीमा, १८ गते मानेभञ्ज्याङ गाउँपालिका वडा नम्बर ५ मोती राज ग्रामीण आँखा केन्द्रमा, २१ गते मानेभञ्ज्याङ गाउँपालिका ७ हर्कपुर स्वास्थ्य चौकी टोक्सेलमा, २३ गते सिद्धिचरण नगरपालिका २ ठुलाछाप स्वास्थ्य चौकी निसंखेमा र २४ गते जिल्ला सामुदायिक आँखा केन्द्रमा हुने जनाइएको छ । शिविरबाट छनोट भएका बिरामीहरुको असोज २६ र २७ गते दक्ष चिकित्शकहरु द्धारा स–शुल्क शल्यक्रिया हुने जनाएको छ । करिव एक महिना सञ्चालन गर्ने शिविर तिलगंगा आँखा प्रतिष्ठान, जिल्ला सामुदायिक आँखा केन्द्र, ओखलढुंगा र नेपाल रेडक्रस सोसाइटी जिल्ला शाखा ओखलढुंगाले आयोजना गरेको हो ।

प्रकाशित मिति : ११ आश्विन २०८०, बिहिबार  ३ : ०६ बजे


©2024 Radio Okhaldhunga सर्वाधिकार सुरक्षित