ओखलढुंगा (रेडियो ओखलढुंगा) । मोलुङ गाउँपालिका ८ मा ३ महिने मोवाईल मर्मत सम्बन्धि तालिम १५ गतेबाट सञ्चालन हुने भएको छ । आज (असोज १२) बाट सञ्चालन हुने भनिए पनि प्रशिक्षकको खानबासको व्यवस्थापनमा समय लाग्ने भएकाले औपचारिकरुपमा असोज १५ गते सोमबारबाट मात्रै तालिम सञ्चालन गर्ने वडा अध्यक्ष सुधिर राईले जानकारी दिनु भयो । मोवाईल मर्मत गर्न सदरमुकाम धाइ राख्नु पर्ने झन्झटलाई कम गर्न, वडा भित्र नै दक्ष जनशक्ति उत्पादन गर्न तालिम सञ्चालन गर्न लागेका कार्यवाहक वडा अध्यक्ष गजेन्द्र राईले बताउनु भयो । तालिमको सहजकर्ता सिप विकास तालिम केन्द्र ओखलढुंगाका इलेक्ट्रोनिक (विद्युतिय) प्रशिक्षक खुराहरि अधिकारी रहेका छन् । तालिमको उद्घाटन हिजो ( बिहीबार) नै भएको थियो । हाल सम्म १७ जना प्रशिक्षार्थी रहेको जनाएको छ ।