८ श्रावण २०८१, मंगलबार | Tue Jul 23 2024

मानेभञ्ज्याङ अध्यक्ष कपः हलेसी तुवाचुङलाई हराउदै मानेभञ्ज्याङ सेमिफाइनल प्रवेश




ओखलढुंगा (रेडियो ओखलढुंगा)। मानेभञ्ज्याङ अध्यक्ष कप फुटबल प्रतियोगितामा क्वाटरफाइनल खेलमा ओखलढुंगाको मानेभञ्ज्याङ गाउँपालिकाले खोटाङको हलेसी तुवाचुङ नगरपालिलाई हराएको छ । आयोजक टिम मानेभञ्ज्याङले हलेसी तुवाचुङलाई ४–० गोलले हराएको हो । ओखलढुंगाको मानेभञ्ज्याङ गाउँपालिकाले आयोजना गरिएको प्रदेश स्तरिय स्थानिय तह अध्यक्ष कप फुटबल प्रतियोगितामा आज(शनिवार) भएको खेलमा जित संगै मानेभन्ज्याङ सेमिफाइनल प्रवेश गरेको छ । खेलको पहिलो हाफमा मानेभञ्ज्याङका खेलाडी मनकृष्ण राई र अंकित राईले १ र १ गोल गरेर समूहलाई अग्रता दिलाएको थियो । खेलको दोस्रो हाल्फमा मानेभञ्ज्याङ कै खेलाडी अर्विन मगर र क्षितिज राईले टिमका लागि थप १ र १ गोल गरेर ४–० गोल बनाएको हो । गाउँपालिकाको वडा नम्बर ३ ब्ओकुला खेलमैदान उबुँमा आज भएको खेलमा मानेभन्ज्याङकै खेलाडी सजिन राई म्यान अफ दी म्याच घोषित भएको छ ।

राईले नगद रु ५ हजार पुरस्कार प्राप्त गरेका छन् ।

प्रकाशित मिति : २१ पुस २०८०, शनिबार  २ : २४ बजे


©2024 Radio Okhaldhunga सर्वाधिकार सुरक्षित