चालु आर्थिक बर्षमा भूमिहिन सुकुम्बासी मुक्त जिल्ला घोषणा गर्ने भुमि आयोगको लक्ष

ओखलढुंगा (रेडियो ओखलढुंगा )राष्ट्रिय भूमि आयोग जिल्ला समिति ओखलढुंगाले जिल्लालाई आर्थिक बर्ष भित्रमा भूमिहिन सुकुम्बासी मुक्त जिल्ला घोषणा गर्ने लक्ष सहित काम गर्ने भएको छ । जिल्ला विकास समन्वय ओखलढुंगाको हलमा आज पत्रकार सम्मेलन गरि राष्ट्रिय भूमि आयोग जिल्ला समिति ओखलढुंगाले यस्तो लक्ष राखेको हो । उक्त, पत्रकार सम्मेलनमा हालसम्म भूमि आयोगले जिल्लामा गरेको कार्य विवरण राष्ट्रिय भूमि आयोग, जिल्ला समिति ओखलढुंगाका अध्यक्ष पुरुषेत्तमे अध्यक्ष लुईटेलले प्रस्तुत गर्नु भएको थियो । पालिकाले कार्यपालिकाको बैठक राख्ने हो भने भूमि आयोगले ७२ बहत्तर घण्टा भित्र नाम जाच गरि जग्गा दिन सक्ने अध्यक्ष लुईटेलले प्रतिवद्धता गर्नु भयो । २०७९ पौष ७ गते देखि हाल सम्म भूमिहिन सुकुम्बासीको निवेदन परेको कुल संख्या सिद्धिचरण नगरपालिका ८, मानेभञ्ज्याङ गाउपालिका १३, सुनकोशी गाउँपालिका ६, चिसंखुगढी गाउँपालिका २, मोलुङ गाउपालिका १४, चम्पादेवि गाउँपालिका , खिजिदेम्बा गाउपालिका र लिखु गाउँपालिका शून्य रहेको छ । निस्सा वितरण संख्या मानेभञ्न्याङ ७, सुनकोशी ५, मोलुङ १३, सिद्धिचरण नगरपालिका चम्पादेवी, खिजिदेम्बा, लिखु र चिसंखुगढी गाउँपालिका शून्य रहेको छ । भूमिहिन दलितको निवेदन संख्या सिद्धिचरण नगरपालिका ३, मोलुङ गाउँपालिका २ र सुनकोशि लगायत अन्य गाउँपालिकामा शून्य रहेको छ । त्यस्तै भूमिहीन दलित निस्सा वितरण संख्या मोलुङ गाउँपालिकामा २, अन्य गाउँपालिका र सिद्धिचरण नगरपालिकामा शून्य रहेको छ । अव्यवस्थित बसोबासीको निवेदन संकलन संख्या सिद्धिचरण नगरपालिका लगायत अन्य गाउँपालिकामा शून्य रहेको छ । वडा समिति, पालिका र कार्यपालिकाको सहजिकरण हुँदै आयोगसम्म विवरण आएपश्चात मात्र सुकुम्बासीहरुको जाँचबुझ गरि कार्य अघि बढाउनुपर्ने हुँदा स्थानिय तहको चासो कम र कानुनी झन्जटका कारण काममा ढिलाई भइरेको अध्यक्ष लुईटेलको भनाई छ ।