ठुलाछापमा बाघको आतङ्क

ओखलढुंगा (रेडियो ओखलढुंगा )जिल्लाको सिद्धिचरण नगरपालिका–२ ठुलाछाप निशंखेमा जंगली जनावार चितुवा तथा बाघको आतङ्क बढेको छ । केही दिन देखि जङ्गलबाट गाउँ पसेका जंगली जनावारले पशुचौपायालाई आक्रमान गरी मार्ने गरेका छन ।गए राती स्थानीय रुद्रबहादुर कटवालको खोरमा रहेको माउ बाख्रा बाघले आक्रमण गरि मारेको वडा अध्यक्ष बसन्त कटवालले बताउनुभयो ।केही दिन अघि पनि स्थानीय ज्ञान बहादुर चर्मकारले पालेको बंगुर खोरबाटै हराएको थियो भने निशंखेका श्रेतेष श्रेष्ठको खसी नागीडाँडा सामुदायिक वन नजिकै चराउन लादा साँझको समयमा बाघले मारेको अवस्थामा स्थानीयले फेला पारेको थिए ।यसैगरि हिमालय माध्यमिक विद्यालय निशंखेको विद्यालय परिसर र अन्य विभिन्न समयमा वडाका विभिन्न स्थानमा जोडी बाघ देखेको र बाइकमा यात्रा गरेको बेला पनि बाघले आक्रमण गर्न खोजेको समेत स्थानीयले बताएका छन् । जंगली जनावारको आतंक बढीहरहेकोले उच्च सतर्कता अपनाउन वडा कार्यालयले आग्रह गरेको छ।