सुनकोशी– ९ ककनीमा चट्याङले चार वटा गाई गोरुको मृत्यु

ओखलढुंगाका (रेडियो ओखलढुंगा) जिल्लाको सुनकोशी गाउँपालिका ९ ककनीमा आज साँझ वर्षासँगै परेको चट्याङले चार वटा गाई गोरुको मृत्यु भएको छ । स्थानीय गुम बहादुर तामाङको गोठमा बाधि राखेको २ वटा गोरु, एउटा बाछी र एउटा लैनो गाईको चट्याङ लागेर मृत्यु भएको हो ।
साथै चट्याङले गुम बहादुरको घरमा रहेको २० वाटको सोलार प्यानल र १२ भोल्टको ब्याट्रीमा समेत क्षति भएको छ । सोही ठास्थानका धनबहादुर तामाङको पनि २० वाटको सोलार प्यानल र १२ भोल्टको ब्याट्री क्षति भएको जिल्ला प्रहरी कार्यालय ओखलढुंगाका प्रहरी निरीक्षक विजय कार्कीले जानकारी दिनुभयो ।