नेकपा एमालेले आगामि दिनमा लयबद्ध रुपमा काम गर्ने, इन्चार्ज राईको भनाई

ओखलढुंगा (रेडियो ओखलढुंगा) नेकपा एमालेले जिल्ला कमिटी कार्यकर्तालाई एउटै लयमा रहेर जिम्मेवारी, कर्तव्य निर्भाह गराउने भएको छ । कोशी प्रदेशका निवर्तमान मुख्यमन्त्री, नेकपा एमाले स्थायी कमिटी सदस्य तथा कोशी प्रदेश ईन्चार्ज शेरधन राईले सो कुरा बताउनुभएको हो ।
प्रेस चौतारी नेपाल ओखलढुंगाले आज बिहान आयोजना गरेको पत्रकार सम्मेलनमा उहाँले पटीको नीति, निर्देशन र विधि भन्दा बाहिर नरहि पाटीको एउटै लयमा रहेर प्रदेशको १४ वटै जिल्ला कमिटीहरु अगाडी बढाउने र पाटीको मुल मिसनमा पुग्ने बताउनुभयो । सबै जिल्लाहरुलाई प्रतिस्पर्धा र कामको आधारमा उर्ताने उहाँले बताउनुभएको छ । पाटीको कार्यविभाजन सम्बन्धीको नयाँ नीति अनुसार जिल्ला कमिटीको नयाँ कार्यविभाजन गर्दै गर्दा प्रदेश समितीलाई पालिका सम्मको जिम्मेवारी, जिल्लालाई वडा तह सम्मको जिम्मेवारी, पालिकालाई टोल सम्मको जिम्मेवारीमा पठाउने र टोल तहबाट घर घर सम्मको जिम्मेवारी तोक्ने नीति नेकपा एमालेले लिएको उहाँले बताउनुभयो ।
यस्तै एमालेले मिसन ८४ मा केन्द्रित भएर काम गर्ने, निराशामा रहेको मुलुकलाई आशामा बदलने तरिकाले नयाँ सरकारले काम गर्ने र नेकपा एमाले राष्ट्रिय संकल्पमा रहने समेत बताउनुभयो ।
नेकपा एमाले वर्तमान सरकारमा शक्तिको हैसियत रहदै गर्दा देशमा एउटा निर्णायक तहमा रहन बलियो र सुढृत पाटी निर्माण गर्न पाटी लागि परिरहेको बताउनु भएको छ । आगामि दिनमा नेकपा एमालेका कार्यकर्ताले पाटीलाई आच आउने खालका गतिविधि, नेताहरुको आलोचना र विरोध कुनै पनि सामाजिक सञ्जालबाट गर्ने छुट नरहेको समेत बताउनुभयो । ओखलढुंगा सहित अहिले सम्म प्रदेशको ९ वटा जिल्लामा बैठक सम्पन्न भएको छ ।