खिजीदेम्बाले ४६ जना सगरमाथा आरोहीलाई सम्मान

ओखलढुंगा (रेडियो ओखलढुंगा ) ओखलढुंगाको खिजीदेम्बा गाउँपालिकाले ४६ जना सगरमाथा आरोहीलाई सम्मान गरेको छ । खिजीदेम्बा गाउँपालिका भित्रका सबै सफल सगरमाथा आरोहीलाई आज काठमाडौंमा भव्य कार्यक्रम आयोजना गरेर सम्मान गरेको हो । गाउँपालिकाकोे पर्यटन प्रवद्र्धन र आरोहीहरुको सम्मानको लागी सम्मानसहित सद्भावनादूत घोषणा गरिएको गाउँपालिका अध्यक्ष गम्बु शेर्पाले बतानुभयो । संस्कृति पर्यटन तथा नागरिक उड्डयन मन्त्री बद्रीप्रसाद पाण्डेले शेर्पाहरुको साहसका कारण नै सगरमाथा विश्वसामु परिचित बन्न पुगेको बताएका छन् । ’सगरमाथा आरोहीहरुलाई सम्मान कार्यक्रम’मा बोल्दै मन्त्री पाण्डेले शेर्पाहरुको साहसका कारण नै सगरमाथा विश्वमा चिनिन मद्दत पुगेको दाबी गरे । गाउँपालिका भित्रका ४६ जना सम्मानित हुनेमा कान्छो सगरमाथा आरोही जम्बले शेर्पादेखि २२ पटक सगरमाथा आरोहण गर्ने जाङ्बु शेर्पा पनि छ्न्। त्यस्तै पालिकाको सद्भावना दूतमा कुङ्गा शेर्पालाई घोषणा गरिएको थियो । कार्यक्रममा संसदको राज्य व्यवस्था तथा सुशासन समिति सभापति रामहरि खतिवडा, संविधानसभा सदस्य यज्ञराज सुनुवार, प्रदेश सांसद प्रदिप सुनुवारले ओखलढुंगाको पर्यटन विकासका लागि पहल गरिरहेको बताएका थिए