खानेपानी तथा उपभोक्ता समितिको अध्यक्षमा खड्का विजयी

ओखलढुंगा( रेडियो ओखलढुंगा) खानेपानी तथा उपभोक्ता समितिको अध्यक्षमा सानोबाबु खड्का विजयी भएका छन । ओखलढुंगाको सदरमुकामको खानेपानी तथा उपभोक्ता समितिमा भएको निर्वाचनमा अध्यक्षमा सानोबाबु खड्का विजयी हुनुभएको हो ।आज भएको निर्वाचनमा खड्काले २२१ मत प्राप्त गर्दै विजयीे भएको हो । त्यस्तै अध्यक्ष पदका प्रत्यासी रुपेश शाक्यले १६२ तथा अर्का प्रत्यासी अम्बिका श्रेष्ठले १५८ मत प्राप्त गरेका छन ।
त्यस्तै कोषाध्यक्ष तर्फ विमला विश्वकर्माले आफ्ना प्रतिद्वन्द्वी रन्जु श्रेष्ठलाई पराजित गर्दै विजयी बनेकी छन् । कोषाध्यक्ष पदका उमेदवार विश्वकर्मा ले २५३ मत प्राप्त गर्दा श्रेष्ठले २३४ मत प्राप्त गरेकी थिइन । हिजो देखी सुरु भएको बार्षिक अधिबेशनमा कार्यसमितिको अन्य पदमा सर्वसम्मत भएपनि अध्यक्ष र कोषाध्यक्ष पदमा भने सहमति हुन सकेको थिएन । अध्यक्ष पदमा ३ जना र कोषाध्यक्ष पदमा २ जनाले दावी नछाडेपछि दुइपदका लागि आज विहान ११ बजेदेखि अपरान्ह ४ बजेसम्म निर्वाचन भएको हो ।