कुलबहादुर तामाङ
ओखलढंगा (रेडियो ओखलढुंगा) । प्रधानन्यायधीश हरिकृष्ण कार्कीले अदालतमा विगतमा क्षमतावान न्यायधीश नियूक्त भएनन् भन्ने आरोपहरु आउने गरेकाले न्यायधीश नियूक्तिको मापदण्ड परिवर्तन गरेको बताउनुभयो । आफ्नो मान्छेहरुलाई मात्रै च्यापेर न्यायधीश नियूक्त गर्यो भन्ने कुराहरुलाई तोड्न आफू सफल भएको बताउनु भएको हो । कर्मचारीको सरुवा लगायत यवात कुराहरुलाई सुधार गर्दै आफू अघि बढेको बताउनुभयो ।
डाँफे र गैडा सरुवा भन्ने पद्धतीको अन्त्य गर्दै अहिले न्यायधीश, कर्मचारीहरुको सरुवा प्रक्रियामा तराईको हिमालमा, सुगममा सेवा गरेकालाई दुर्गममा र दुर्गमकालाई शहरमा मिलाएर न्यायिक तवरले अघि बढाएको बताउनुभयो । विगतमा कानून व्यवसायीको प्रमाण पत्र लिएका तर अदालत नै नटेका व्यक्ति न्यायधीश भएको भनेर आलोचना खेप्नु परेपछि अब कम्तिमा एक सयवाट फैसलामा नाम लेखेका, तीन बर्षसम्म कर तिरेका व्यक्तिलाई मात्रै न्यायधीशको रुपमा सिफारिस गरी नियूक्त गर्ने गरी निर्देशिका परिवर्तन गरेको जानकारी दिनुभयो ।
